A regulación profesional dos enxeñeiros técnicos e enxeñeiros en informática é unha antiga reivindicación da profesión, que é, xunto coa enxeñaría química a única enxeñaría que non se atopa regulada en España.

Con todo, nos últimos anos, e tras importantes mobilizacións dos profesionais e os estudantes, lográronse avances que levaron á creación de colexios profesionais na maior parte das comunidades autónomas, así como á creación do Consello Xeral de Colexios Profesionais de Enxeñeiros en Informática.

Na actualidade, en Galicia atópanse constituídos os colexios profesionais que representan aos enxeñeiros/as técnicos e enxeñeiros/as en informática:

• Colexio Profesional de Enxeñaría en Informática de Galicia (CPEIG): para os titulados e tituladas de Enxeñaría en Informática, Licenciatura en Informática ou Máster Universitario en Enxeñaría Informática.

• Colexio Profesional de Enxeñaría Técnica en Informática de Galicia (CPETIG): para os titulados e tituladas de Enxeñaría Técnica en Informática de Xestión, Enxeñaría Técnica en Informática de Sistemas, Diplomatura en Informática e Grao en Enxeñaría Informática.