Residencia Universitaria As Burgas

O Complexo Residencial As Burgas inaugurouse no ano 2001. Dispón de 204 prazas en total e de diversas instalacións, deseñadas para facer a túa estancia o máis cómoda posible. No proceso de admisión, teñen preferencia os estudantes da Universidade de Vigo, pero se non se completan as prazas, admítense alumnos doutros centros.

A residencia tamén ofrece cuartos para estancias diarias e de grupos pequenos durante todo o ano. No verán todas as súas prazas destínanse a grupos diversos e ao público en xeral para aloxarse por uns días ou semanas.

A residencia permanece aberta todos os días do ano.

• Residencia Universitaria As Burgas