A Universidade de Vigo organiza de novo unhas Xornadas de Portas Abertas de xeito virtual.  A través da plataforma Campus Remoto os futuros universitarios poderán coñecer a oferta académica dos tres Campus.

A cita será os vindeiros luns e martes, 24 e 25 de maio, en horario de tarde (de 16 a 19 horas). A finalidade é que os estudantes participantes poidan resolver as dúbidas concretas sobre os graos impartidos na Universidade de Vigo da man do propio profesorado das diferentes titulacións de todos os campus, que responderán as cuestións propostas polo alumnado.

O martes, 25 de maio, as 16:40 horas na sala do Palacio de Congresos (clave acceso estudantado: 6rAsLWyz) terá lugar a presentación das titulacións impartidas na nosa Escola Superior de Enxeñaría Informática.